Asteburu berezia dator Legorretako Gaztetxearentzat. Izan ere, 19 urte bete baitu gaztetxeak aurten, eta hori dela eta, urteurren festa antolatu du Gazte-Piku gazte asanbladak ostiral eta larunbat honetarako.
Ostiralari dagokionez, karaokea eta zurrakapotea egingo dute 23:30ean hasita. Larunbatean, aldiz, karropoteoa 19:00etan abiatuko da, eta ondoren, 23:30ean, GZR taldeak eta N-Lezz DJak gaua girotuko dute.
Gogoratu ekintza hau Legorretako Gabonetarako antolatutako egutegiaren barruan doala. Ikusi hemen, edo etxeetan banatutako eskuorrietan, datozen asteetarako antolatu diren gainerako jarduerak.
