Udaleko gizarte zerbitzuak lanean ari dira egoera zailean egon daitezkeen herritarrei laguntzeko. Horretarako, beharrezkoa da legorretar guztien lankidetza: bai informazioa emateko, bai sor daitezkeen beharrei erantzuteko. Udalak zenbaki bat jarri du laguntza sareko boluntario izateko edo beharrei buruzko informazioa emateko: 688-82 90 13.
Boluntario izan nahi baduzu:
- Idatzi honako mezu hau, Whatsapp bidez: Boluntario hitza. Izen-abizenak. Helbidea.
Laguntza eskatu nahi baduzu, edo laguntza behar lukeen norbaiten berri eman nahi baduzu:
- Idatzi edo deitu, eta jakinarazi pertsonaren izen-abizenak, telefono zenbakia eta helbidea.
Eskerrik asko herritar guztioi; elkartuta errazago lortuko dugu egoera honi aurre egitea.
