Urtezahar egunez, urtero bezala, San Silvestre krosa jokatuko da Legorretan, Pikuk kirol klubak eta Aldapa Haundi, Jotakea eta Bilkoin elkarteek antolatuta.
12:00etan hasiko da krosa, txikienekin, eta segidan izango dira gainerako lasterketak. Izen-ematea doakoa izango da, lasterketa hasi aurretik, 10:45etik 11:45era bitarte. Guztira, sei proba izango dira. Beheko irudietan duzue informazio zehatza.
